周不時我都會鼓勵同事多啲用腦，甚至去上堂進修、去學吓新野自我增值，但大部分同事都會秒回：「邊有時間呀？」於是我就用「老樵夫砍柴」故事去提醒佢地。
故事是這樣的：
有個年青人上山砍柴，過左一陣，老樵夫都黎咗砍柴。到傍晚，年青人發現，老樵夫雖然比佢遲黎，但砍的柴比自己多，於是，佢決定第二日要更早上山砍柴。
第 2 日，年青人一大早就上到山，心諗：「今次我砍的柴一定比老樵夫多。」估唔到當佢挑著木頭返到柴房時一睇，老樵夫砍下的柴都仲係比佢多。
到第 3 日，年青人決定唔單止要比老樵夫早到，仲要比佢遲下山，心諗：「今次砍的柴肯定比較多」殊不知，當日老樵夫砍下的木頭比佢仲要多出一大籮筐。
第 4 日、第 5 日都係一樣。
直到第 6 日，心心不憤嘅年青人終於忍唔住就問老樵夫：「我比你早到又比你遲下山、比你年輕同有力氣，點解我砍的木頭都是比你少？」
老樵夫拍下佢肩膀就話「年輕人，我每日下山回家後，第一件事就是磨斧頭，但你回家後，可能因為太累只顧著休息，斧頭都被你砍鈍了。所以，雖然我比你老、比你晚到、比你早下山，但我嘅斧頭都比你鋒利，我只要砍五刀，樹就倒了，你卻要砍十幾刀，樹才會倒。」後生嘅樵夫終於恍然大悟。
以前我地父母年代，可能只要努力工作就可以生存，但宜家世界的科技變化迅速，而且競爭激烈，弱肉強食，汰弱留強，只靠努力工作未必足夠，而是要好似老樵夫咁同時用腦裝備自己，令自己變更強大，因時制宜去迎接更多挑戰。
#MrBusiness #因時制宜
Search